Захиралын мэндчилгээ
Манай байгууллагын вэб сайтад зочилж буй эрхэм таны амар амгаланг эрье.
Соёлт хүн төрөлхтний хамгийн том ололт нь бичиг үсэг гэхүл тэрхүү бичгээр бүтэгч оюун ухааны охь манлай болсон уран зохиол, яруу найраг нь тухайн хэлний яруу утга арвин сангаар яруу сэтгэлгээг илэрхийлж ирсэн хийгээд үе цагийн гэрэлт толь болж, урлагын нарийн мэдрэмжээр ертөнцийн гоо сайхныг дуудан илэрхийлж, хүмүүний дотоод сэтгэлийг хөглөхийн зэрэгцээ уран сайхны сэтгэлгээний дээд хэлбэр болон бусдад түгээгдэж ухаарлыг бэлэгдэж байдгаараа онцлог. Гадаад, дотоодын үе үеийн уран үгийн мастеруудын болон өөрийн төрөлх нутгынхаа зохиолч, яруу найрагчдын бүтээлийг уншиж бусдад сурталчилж байх нь бичиг зохиол оролдож, бийр янтай түшдэг хүмүүсийн бусдыг гэгээрүүлэх үүрэг гэхээсээ илүүтэйгээр аймгийн нийтийн номын сангын байгууллага, номын сангын ажилтан, мэргэжилтэний нэн тэргүүний үүрэг байх нь өдгөө чухал. Иймд мэргэн уншигч та бүхнийг номын өргөө аймгийн нийтийн номын сангийн байраар зочлон соёрхож, сонирхсон зохиол бүтээлийн номоо авч уншин, оюуны их цэнгэл эдлэхийг урьж байна. Мөн манай номын сангийн сайтаар чөлөөтэй зорчингоо шинэ номын мэдээлэл, танилцуулгыг үзэж танилцангаа, бидний ажилд үнэтэй зөвлөгөө болон сэтгэлийн үгээ илэрхийлэх боломж таны өмнө нээлттэй байна.
Манай номын сан нь Соёлын талаар баримтлах төрийн бодлогыг нутаг дэвсгэрийн хэмжээнд хэрэгжүүлэхтэй холбогдуулан Аймгийн нийт иргэдэд номын сангийн үйлчилгээг хүргэх, Төрийн болон төрийн бус байгууллагуудтай хамтран ажиллах зорилго тавин ажилладаг юм.
Манай интернет сайтаас та бүхэн шинэ номын мэдээ, цахим ном, электрон каталог, уншлага үйлчилгээний холбогдолтой мэдээллүүдийг хүлээн авах боломжтой.
Монгол туургатны мянганаар тоологдох өв их соёл, язгуур уламжлалын магнайд ном эрдмийг хүндэтгэн дээдэлж, есөн эрдэнээр чимэглэсэн шасдир их цадиг, суу сэтгэлгээний охь болсон бүтээлүүдээ нандигнан хайрлаж, ном дор мөргөхийг сүслэн, эрхэмлэн уншдаг уншигч та бүхэнд баярлалаа.
Ном дор мөргөмүү. Номын цагаан буян ашид мөнх дэлгэрэх болтутай.
